سياسة الخصوصية
آخر تحديث: 17 سبتمبر 2026
تطبيق «بيتنا» بيساعد أفراد البيت الواحد إنهم يشاركوا قائمة مشتريات، مهام، وفواتير البيت. الصفحة دي بتوضح البيانات اللي بنجمعها وليه، وإزاي تقدر تمسحها.
البيانات اللي بنجمعها
- بيانات الحساب: الإيميل والاسم اللي بتكتبه، وكلمة السر متخزنة مشفّرة (hash) ومش ممكن نقراها.
- بيانات البيت: اسم البيت، كود الدعوة، وأعضاء البيت.
- بيانات القائمة: أسماء الطلبات والكميات والأسعار والملاحظات والصور اللي بترفعها، والتصنيفات اللي بتعملها لبيتك، ومين ضاف ومين اشترى.
- المهام والفواتير: اللي بتكتبه من مهام البيت ومواعيد الفواتير ومبالغها، ومين المسؤول عنها.
- جهات اتصال بتضيفها انت: لو استخدمت خانة "جهات اتصال البيت"، بيتحفظ اسم ورقم تليفون اللي بتضيفه (زي السباك أو الكهربائي) عشان يبقى متاح لكل أهل بيتك. ده بيانات بتدخّلها انت بنفسك، مش قراية تلقائية لجهات اتصال موبايلك.
- توكن الإشعارات: علشان نبعتلك إشعار لما حد في بيتك يضيف حاجة أو يجيلكوا تذكير.
- بيانات تقنية محدودة: سجلات السيرفر (وقت الطلب ونوعه) لأغراض التشغيل والأمان.
إحنا مش بنجمع إيه
مش بنجمع موقعك الجغرافي، ومش بنقرأ جهات اتصال موبايلك ولا صوره تلقائيًا. الكاميرا والصور بتُستخدم بس لما تختار انت صورة لطلب معيّن، وجهات الاتصال اللي بتتحفظ هي بس اللي بتكتبها انت بإيدك جوه التطبيق.
الإعلانات
التطبيق ممكن يعرض إعلانات من Google AdMob. جوجل ممكن تستخدم معرّف الإعلانات بتاع جهازك لعرض إعلانات مناسبة وقياس أدائها. تقدر تتحكم في ده من إعدادات جهازك، وتقدر تراجع سياسة جوجل لمعرفة التفاصيل.
مشاركة البيانات
بياناتك بتتشاف بس من أعضاء البيت اللي انت منضم له. مش بنبيع بياناتك ولا بنشاركها مع أطراف تانية، غير مقدمي الخدمة اللي التطبيق شغال عليهم (الاستضافة، خدمة الإشعارات، ومنصة الإعلانات).
مدة الاحتفاظ بالبيانات
بنحتفظ ببياناتك طول ما حسابك شغال. لما يخرج آخر عضو من البيت، بيتمسح البيت وكل بياناته (الطلبات والمهام والفواتير وجهات الاتصال والصور). ولما تمسح حسابك، بتتمسح بياناتك الشخصية وصورك من السيرفر.
حذف الحساب والبيانات
من داخل التطبيق: الإعدادات ← احذف الحساب نهائيًا. أو من صفحة حذف الحساب على الويب.
الأطفال
التطبيق مش موجّه للأطفال أقل من 13 سنة.
التواصل
لأي استفسار عن الخصوصية: mahmouddesoky15@gmail.com